مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلسَّمَآءِ وَٱلطَّارِقِ ۝١

Осмон билан қасам ва ториқ билан қасам.

وَمَآ أَدْرَىٰكَ مَا ٱلطَّارِقُ ۝٢

Ториқ нималигини сенга не билдирди?

ٱلنَّجْمُ ٱلثَّاقِبُ ۝۳

У нур сочиб турувчи юлдуздир.

إِن كُلُّ نَفْسٍۢ لَّمَّا عَلَيْهَا حَافِظٌۭ ۝٤

Ҳеч бир жон йўқки, унинг ҳифз қилиб турувчиси бўлмаса.

فَلْيَنظُرِ ٱلْإِنسَٰنُ مِمَّ خُلِقَ ۝٥

Инсон нимадан яралганига назар солсин.

خُلِقَ مِن مَّآءٍۢ دَافِقٍۢ ۝٦

У отилиб чиқувчи сувдан яратилгандир.

يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ ۝۷

У (сув) сулб (умуртқа) ва тароиб (кўкрак суяги) орасидан чиқадир.

إِنَّهُۥ عَلَىٰ رَجْعِهِۦ لَقَادِرٌۭ ۝۸

Албатта У зот уни қайта тирилтиришга қодирдир.

يَوْمَ تُبْلَى ٱلسَّرَآئِرُ ۝۹

Сирлар фош бўладиган кундадир.

فَمَا لَهُۥ مِن قُوَّةٍۢ وَلَا نَاصِرٍۢ ۝١۰

Бас, (ўшанда) у(инсон)да қувват ҳам, нусрат берувчи ҳам бўлмайдир.

وَٱلسَّمَآءِ ذَاتِ ٱلرَّجْعِ ۝١١

Қайтувчи (ёмғир) соҳиби бўлган осмон билан қасам.

وَٱلْأَرْضِ ذَاتِ ٱلصَّدْعِ ۝١٢

Ёриб чиқувчи эгаси бўлган ер билан қасам.

إِنَّهُۥ لَقَوْلٌۭ فَصْلٌۭ ۝١۳

Албатта у(Қуръон) ажратувчи сўздир.

وَمَا هُوَ بِٱلْهَزْلِ ۝١٤

Ва у ҳазил эмасдир.

إِنَّهُمْ يَكِيدُونَ كَيْدًۭا ۝١٥

Албатта улар ҳийла-найранг қиларлар.

وَأَكِيدُ كَيْدًۭا ۝١٦

Ва Мен ҳам ҳийла қилурман. (Яъни, ҳийласига яраша жазо берурман.)

فَمَهِّلِ ٱلْكَٰفِرِينَ أَمْهِلْهُمْ رُوَيْدًۢا ۝١۷

Муҳлат бер кофирларга, уларга озгина муҳлат бер. (Яъни, уларга азоб келмаётганидан шошилма, ҳаммасининг вақти, соати бор.)