مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى ۝١

(اے نبیؐ) اپنے رب برتر کے نام کی تسبیح کرو

ٱلَّذِى خَلَقَ فَسَوَّىٰ ۝٢

جس نے پیدا کیا اور تناسب قائم کیا

وَٱلَّذِى قَدَّرَ فَهَدَىٰ ۝۳

جس نے تقدیر بنائی پھر راہ دکھائی

وَٱلَّذِىٓ أَخْرَجَ ٱلْمَرْعَىٰ ۝٤

جس نے نباتات اگائیں

فَجَعَلَهُۥ غُثَآءً أَحْوَىٰ ۝٥

پھر اُن کو سیاہ کوڑا کرکٹ بنا دیا

سَنُقْرِئُكَ فَلَا تَنسَىٰٓ ۝٦

ہم تمہیں پڑھوا دیں گے، پھر تم نہیں بھولو گے

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ۝۷

سوائے اُس کے جو اللہ چاہے، وہ ظاہر کو بھی جانتا ہے اور جو کچھ پوشیدہ ہے اُس کو بھی

وَنُيَسِّرُكَ لِلْيُسْرَىٰ ۝۸

اور ہم تمہیں آسان طریقے کی سہولت دیتے ہیں

فَذَكِّرْ إِن نَّفَعَتِ ٱلذِّكْرَىٰ ۝۹

لہٰذا تم نصیحت کرو اگر نصیحت نافع ہو

سَيَذَّكَّرُ مَن يَخْشَىٰ ۝١۰

جو شخص ڈرتا ہے وہ نصیحت قبول کر لے گا

وَيَتَجَنَّبُهَا ٱلْأَشْقَى ۝١١

اور اس سے گریز کریگا وہ انتہائی بد بخت

ٱلَّذِى يَصْلَى ٱلنَّارَ ٱلْكُبْرَىٰ ۝١٢

جو بڑی آگ میں جائے گا

ثُمَّ لَا يَمُوتُ فِيهَا وَلَا يَحْيَىٰ ۝١۳

پھر نہ اس میں مرے گا نہ جیے گا

قَدْ أَفْلَحَ مَن تَزَكَّىٰ ۝١٤

فلاح پا گیا وہ جس نے پاکیزگی اختیار کی

وَذَكَرَ ٱسْمَ رَبِّهِۦ فَصَلَّىٰ ۝١٥

اور اپنے رب کا نام یاد کیا پھر نماز پڑھی

بَلْ تُؤْثِرُونَ ٱلْحَيَوٰةَ ٱلدُّنْيَا ۝١٦

مگر تم لوگ دنیا کی زندگی کو ترجیح دیتے ہو

وَٱلْءَاخِرَةُ خَيْرٌۭ وَأَبْقَىٰٓ ۝١۷

حالانکہ آخرت بہتر ہے اور باقی رہنے والی ہے

إِنَّ هَٰذَا لَفِى ٱلصُّحُفِ ٱلْأُولَىٰ ۝١۸

یہی بات پہلے آئے ہوئے صحیفوں میں بھی کہی گئی تھی

صُحُفِ إِبْرَٰهِيمَ وَمُوسَىٰ ۝١۹

ابراہیمؑ اور موسیٰؑ کے صحیفوں میں