مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ ٱلْقَارِعَةُ ۝١

عظیم حادثہ!

مَا ٱلْقَارِعَةُ ۝٢

کیا ہے وہ عظیم حادثہ؟

وَمَآ أَدْرَىٰكَ مَا ٱلْقَارِعَةُ ۝۳

تم کیا جانو کہ وہ عظیم حادثہ کیا ہے؟

يَوْمَ يَكُونُ ٱلنَّاسُ كَٱلْفَرَاشِ ٱلْمَبْثُوثِ ۝٤

وہ دن جب لوگ بکھرے ہوئے پروانوں کی طرح

وَتَكُونُ ٱلْجِبَالُ كَٱلْعِهْنِ ٱلْمَنفُوشِ ۝٥

اور پہاڑ رنگ برنگ کے دھنکے ہوئے اون کی طرح ہوں گے

فَأَمَّا مَن ثَقُلَتْ مَوَٰزِينُهُۥ ۝٦

پھر جس کے پلڑے بھاری ہوں گے

فَهُوَ فِى عِيشَةٍۢ رَّاضِيَةٍۢ ۝۷

وہ دل پسند عیش میں ہوگا

وَأَمَّا مَنْ خَفَّتْ مَوَٰزِينُهُۥ ۝۸

اور جس کے پلڑے ہلکے ہوں گے

فَأُمُّهُۥ هَاوِيَةٌۭ ۝۹

اس کی جائے قرار گہری کھائی ہوگی

وَمَآ أَدْرَىٰكَ مَا هِيَهْ ۝١۰

اور تمہیں کیا خبر کہ وہ کیا چیز ہے؟

نَارٌ حَامِيَةٌۢ ۝١١

بھڑکتی ہوئی آگ