مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ أَلْهَىٰكُمُ ٱلتَّكَاثُرُ ۝١

تمہیں کثرتِ مال کی ہوس اور فخر نے (آخرت سے) غافل کر دیا،

حَتَّىٰ زُرْتُمُ ٱلْمَقَابِرَ ۝٢

یہاں تک کہ تم قبروں میں جا پہنچے،

كَلَّا سَوْفَ تَعْلَمُونَ ۝۳

ہرگز نہیں! (مال و دولت تمہارے کام نہیں آئیں گے) تم عنقریب (اس حقیقت کو) جان لو گے،

ثُمَّ كَلَّا سَوْفَ تَعْلَمُونَ ۝٤

پھر (آگاہ کیا جاتا ہے:) ہرگز نہیں! عنقریب تمہیں (اپنا انجام) معلوم ہو جائے گا،

كَلَّا لَوْ تَعْلَمُونَ عِلْمَ ٱلْيَقِينِ ۝٥

ہاں ہاں! کاش تم (مال و زَر کی ہوس اور اپنی غفلت کے انجام کو) یقینی علم کے ساتھ جانتے (تو دنیا میں کھو کر آخرت کو اس طرح نہ بھولتے)،

لَتَرَوُنَّ ٱلْجَحِيمَ ۝٦

تم (اپنی حرص کے نتیجے میں) دوزخ کو ضرور دیکھ کر رہو گے،

ثُمَّ لَتَرَوُنَّهَا عَيْنَ ٱلْيَقِينِ ۝۷

پھر تم اسے ضرور یقین کی آنکھ سے دیکھ لو گے،

ثُمَّ لَتُسْـَٔلُنَّ يَوْمَئِذٍ عَنِ ٱلنَّعِيمِ ۝۸

پھر اس دن تم سے (اﷲ کی) نعمتوں کے بارے میں ضرور پوچھا جائے گا (کہ تم نے انہیں کہاں کہاں اور کیسے کیسے خرچ کیا تھا)،