مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ ٱلْقَارِعَةُ ۝١

کھڑکھڑانے والی

مَا ٱلْقَارِعَةُ ۝٢

اور کیسی کھڑکھڑانے والی

وَمَآ أَدْرَىٰكَ مَا ٱلْقَارِعَةُ ۝۳

اور تمہیں کیا معلوم کہ وہ کیسی کھڑکھڑانے والی ہے

يَوْمَ يَكُونُ ٱلنَّاسُ كَٱلْفَرَاشِ ٱلْمَبْثُوثِ ۝٤

جس دن لوگ بکھرے ہوئے پتنگوں کی مانند ہوجائیں گے

وَتَكُونُ ٱلْجِبَالُ كَٱلْعِهْنِ ٱلْمَنفُوشِ ۝٥

اور پہاڑ دھنکی ہوئی روئی کی طرح اُڑنے لگیں گے

فَأَمَّا مَن ثَقُلَتْ مَوَٰزِينُهُۥ ۝٦

تو اس دن جس کی نیکیوں کا پلّہ بھاری ہوگا

فَهُوَ فِى عِيشَةٍۢ رَّاضِيَةٍۢ ۝۷

وہ پسندیدہ عیش میں ہوگا

وَأَمَّا مَنْ خَفَّتْ مَوَٰزِينُهُۥ ۝۸

اور جس کا پلہّ ہلکا ہوگا

فَأُمُّهُۥ هَاوِيَةٌۭ ۝۹

اس کا مرکز ہاویہ ہے

وَمَآ أَدْرَىٰكَ مَا هِيَهْ ۝١۰

اور تم کیا جانو کہ ہاویہ کیا مصیبت ہے

نَارٌ حَامِيَةٌۢ ۝١١

یہ ایک دہکی ہوئی آگ ہے