مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ عَبَسَ وَتَوَلَّىٰٓ ۝١

(محمد مصطفٰےﷺ) ترش رُو ہوئے اور منہ پھیر بیٹھے

أَن جَآءَهُ ٱلْأَعْمَىٰ ۝٢

کہ ان کے پاس ایک نابینا آیا

وَمَا يُدْرِيكَ لَعَلَّهُۥ يَزَّكَّىٰٓ ۝۳

اور تم کو کیا خبر شاید وہ پاکیزگی حاصل کرتا

أَوْ يَذَّكَّرُ فَتَنفَعَهُ ٱلذِّكْرَىٰٓ ۝٤

یا سوچتا تو سمجھانا اسے فائدہ دیتا

أَمَّا مَنِ ٱسْتَغْنَىٰ ۝٥

جو پروا نہیں کرتا

فَأَنتَ لَهُۥ تَصَدَّىٰ ۝٦

اس کی طرف تو تم توجہ کرتے ہو

وَمَا عَلَيْكَ أَلَّا يَزَّكَّىٰ ۝۷

حالانکہ اگر وہ نہ سنورے تو تم پر کچھ (الزام) نہیں

وَأَمَّا مَن جَآءَكَ يَسْعَىٰ ۝۸

اور جو تمہارے پاس دوڑتا ہوا آیا

وَهُوَ يَخْشَىٰ ۝۹

اور (خدا سے) ڈرتا ہے

فَأَنتَ عَنْهُ تَلَهَّىٰ ۝١۰

اس سے تم بےرخی کرتے ہو

كَلَّآ إِنَّهَا تَذْكِرَةٌۭ ۝١١

دیکھو یہ (قرآن) نصیحت ہے

فَمَن شَآءَ ذَكَرَهُۥ ۝١٢

پس جو چاہے اسے یاد رکھے

فِى صُحُفٍۢ مُّكَرَّمَةٍۢ ۝١۳

قابل ادب ورقوں میں (لکھا ہوا)

مَّرْفُوعَةٍۢ مُّطَهَّرَةٍۭ ۝١٤

جو بلند مقام پر رکھے ہوئے (اور) پاک ہیں

بِأَيْدِى سَفَرَةٍۢ ۝١٥

لکھنے والوں کے ہاتھوں میں

كِرَامٍۭ بَرَرَةٍۢ ۝١٦

جو سردار اور نیکو کار ہیں

قُتِلَ ٱلْإِنسَٰنُ مَآ أَكْفَرَهُۥ ۝١۷

انسان ہلاک ہو جائے کیسا ناشکرا ہے

مِنْ أَىِّ شَىْءٍ خَلَقَهُۥ ۝١۸

اُسے (خدا نے) کس چیز سے بنایا؟

مِن نُّطْفَةٍ خَلَقَهُۥ فَقَدَّرَهُۥ ۝١۹

نطفے سے بنایا پھر اس کا اندازہ مقرر کیا

ثُمَّ ٱلسَّبِيلَ يَسَّرَهُۥ ۝٢۰

پھر اس کے لیے رستہ آسان کر دیا

ثُمَّ أَمَاتَهُۥ فَأَقْبَرَهُۥ ۝٢١

پھر اس کو موت دی پھر قبر میں دفن کرایا

ثُمَّ إِذَا شَآءَ أَنشَرَهُۥ ۝٢٢

پھر جب چاہے گا اسے اٹھا کھڑا کرے گا

كَلَّا لَمَّا يَقْضِ مَآ أَمَرَهُۥ ۝٢۳

کچھ شک نہیں کہ خدا نے اسے جو حکم دیا اس نے اس پر عمل نہ کیا

فَلْيَنظُرِ ٱلْإِنسَٰنُ إِلَىٰ طَعَامِهِۦٓ ۝٢٤

تو انسان کو چاہیئے کہ اپنے کھانے کی طرف نظر کرے

أَنَّا صَبَبْنَا ٱلْمَآءَ صَبًّۭا ۝٢٥

بے شک ہم ہی نے پانی برسایا

ثُمَّ شَقَقْنَا ٱلْأَرْضَ شَقًّۭا ۝٢٦

پھر ہم ہی نے زمین کو چیرا پھاڑا

فَأَنۢبَتْنَا فِيهَا حَبًّۭا ۝٢۷

پھر ہم ہی نے اس میں اناج اگایا

وَعِنَبًۭا وَقَضْبًۭا ۝٢۸

اور انگور اور ترکاری

وَزَيْتُونًۭا وَنَخْلًۭا ۝٢۹

اور زیتون اور کھجوریں

وَحَدَآئِقَ غُلْبًۭا ۝۳۰

اور گھنے گھنے باغ

وَفَٰكِهَةًۭ وَأَبًّۭا ۝۳١

اور میوے اور چارا

مَّتَٰعًۭا لَّكُمْ وَلِأَنْعَٰمِكُمْ ۝۳٢

(یہ سب کچھ) تمہارے اور تمہارے چارپایوں کے لیے بنایا

فَإِذَا جَآءَتِ ٱلصَّآخَّةُ ۝۳۳

تو جب (قیامت کا) غل مچے گا

يَوْمَ يَفِرُّ ٱلْمَرْءُ مِنْ أَخِيهِ ۝۳٤

اس دن آدمی اپنے بھائی سے دور بھاگے گا

وَأُمِّهِۦ وَأَبِيهِ ۝۳٥

اور اپنی ماں اور اپنے باپ سے

وَصَٰحِبَتِهِۦ وَبَنِيهِ ۝۳٦

اور اپنی بیوی اور اپنے بیٹے سے

لِكُلِّ ٱمْرِئٍۢ مِّنْهُمْ يَوْمَئِذٍۢ شَأْنٌۭ يُغْنِيهِ ۝۳۷

ہر شخص اس روز ایک فکر میں ہو گا جو اسے (مصروفیت کے لیے) بس کرے گا

وُجُوهٌۭ يَوْمَئِذٍۢ مُّسْفِرَةٌۭ ۝۳۸

اور کتنے منہ اس روز چمک رہے ہوں گے

ضَاحِكَةٌۭ مُّسْتَبْشِرَةٌۭ ۝۳۹

خنداں و شاداں (یہ مومنان نیکو کار ہیں)

وَوُجُوهٌۭ يَوْمَئِذٍ عَلَيْهَا غَبَرَةٌۭ ۝٤۰

اور کتنے منہ ہوں گے جن پر گرد پڑ رہی ہو گی

تَرْهَقُهَا قَتَرَةٌ ۝٤١

(اور) سیاہی چڑھ رہی ہو گی

أُو۟لَٰٓئِكَ هُمُ ٱلْكَفَرَةُ ٱلْفَجَرَةُ ۝٤٢

یہ کفار بدکردار ہیں