مصحف الثريا

بِّسْمِ ٱللَّهِ ٱلرَّحْمَٰنِ ٱلرَّحِيمِ وَٱلتِّينِ وَٱلزَّيْتُونِ ۝١

انجير ۽ زيتون جو قسم آھي.

وَطُورِ سِينِينَ ۝٢

۽ طُور سينا جو.

وَهَٰذَا ٱلْبَلَدِ ٱلْأَمِينِ ۝۳

۽ ھِن اَمن واري شھر (مڪي) جو.

لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍۢ ۝٤

ته بيشڪ ماڻھوءَ کي تمام سھڻي نموني پيدا ڪيوسون.

ثُمَّ رَدَدْنَٰهُ أَسْفَلَ سَٰفِلِينَ ۝٥

وري سڀني ھيٺاھين کان ھيٺ موٽايوسونس.

إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فَلَهُمْ أَجْرٌ غَيْرُ مَمْنُونٍۢ ۝٦

پر جن ايمان آندو ۽ چڱا ڪم ڪيا تن لاءِ اَڻ کُٽ اجر آھي.

فَمَا يُكَذِّبُكَ بَعْدُ بِٱلدِّينِ ۝۷

پوءِ (اي ماڻھو) ھن (نصيحت) پڄاڻا ڪھڙي شيءِ توکي عملن جي بدلي ملڻ بابت منڪر بڻائي ٿي؟

أَلَيْسَ ٱللَّهُ بِأَحْكَمِ ٱلْحَٰكِمِينَ ۝۸

حاڪمن جو وڏو حاڪم الله نه آھي ڇا؟