مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلَّيْلِ إِذَا يَغْشَىٰ ۝١

And olsun yer üzünü zülmətə bürüməkdə olan gecəyə!

وَٱلنَّهَارِ إِذَا تَجَلَّىٰ ۝٢

And olsun günəşin çıxması ilə aydınlaşan gündüzə!

وَمَا خَلَقَ ٱلذَّكَرَ وَٱلْأُنثَىٰٓ ۝۳

And olsun kişini və qadını yaradana!

إِنَّ سَعْيَكُمْ لَشَتَّىٰ ۝٤

Sizin can atdıqlarınız başqa-başqadır.

فَأَمَّا مَنْ أَعْطَىٰ وَٱتَّقَىٰ ۝٥

Kim haqqını verir və Allahdan qorxursa,

وَصَدَّقَ بِٱلْحُسْنَىٰ ۝٦

və ən gözəl olanı (lə ilahə illəllahı) təsdiq edirsə,

فَسَنُيَسِّرُهُۥ لِلْيُسْرَىٰ ۝۷

Biz onu ən asan olana nail edəcəyik.

وَأَمَّا مَنۢ بَخِلَ وَٱسْتَغْنَىٰ ۝۸

Kim də xəsislik edərək Rəbbinə ehtiyacı olmadığını güman edirsə

وَكَذَّبَ بِٱلْحُسْنَىٰ ۝۹

və ən gözəl olanı (lə ilahə illəllahı) yalan hesab edirsə,

فَسَنُيَسِّرُهُۥ لِلْعُسْرَىٰ ۝١۰

Biz onun üstünə ən çətin olanı yükləyəcəyik.

وَمَا يُغْنِى عَنْهُ مَالُهُۥٓ إِذَا تَرَدَّىٰٓ ۝١١

Cəhənnəmə düşdükdə var-dövləti ona fayda verməyəcək.

إِنَّ عَلَيْنَا لَلْهُدَىٰ ۝١٢

Şübhəsiz ki, doğru yola yönəltmək Bizə aiddir.

وَإِنَّ لَنَا لَلْءَاخِرَةَ وَٱلْأُولَىٰ ۝١۳

Sözsüz ki, Axirət də, dünya həyatı da Bizimdir.

فَأَنذَرْتُكُمْ نَارًۭا تَلَظَّىٰ ۝١٤

Mən sizi alov saçan bir odla qorxutdum.

لَا يَصْلَىٰهَآ إِلَّا ٱلْأَشْقَى ۝١٥

Ona ancaq ən bədbəxt kimsə girər.

ٱلَّذِى كَذَّبَ وَتَوَلَّىٰ ۝١٦

O kimsə ki, haqqı yalan sayır və ondan üz döndərir.

وَسَيُجَنَّبُهَا ٱلْأَتْقَى ۝١۷

Allahdan ən çox qorxan isə o Oddan uzaqlaşdırılar.

ٱلَّذِى يُؤْتِى مَالَهُۥ يَتَزَكَّىٰ ۝١۸

O kimsə ki, malını Allah yolunda verir, günahlardan təmizlənir.

وَمَا لِأَحَدٍ عِندَهُۥ مِن نِّعْمَةٍۢ تُجْزَىٰٓ ۝١۹

Əvəzi veriləcək nemət üçün onun heç kəsə minnəti olmaz.

إِلَّا ٱبْتِغَآءَ وَجْهِ رَبِّهِ ٱلْأَعْلَىٰ ۝٢۰

O bunu ancaq Ən Uca Rəbbinin Üzünü dilədiyindən edər.

وَلَسَوْفَ يَرْضَىٰ ۝٢١

O, mütləq razı qalacaqdır!