مصحف الثريا

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلسَّمَآءِ وَٱلطَّارِقِ ۝١

And olsun səmaya və gecə yolçusuna!

وَمَآ أَدْرَىٰكَ مَا ٱلطَّارِقُ ۝٢

Sən nə bilirsən ki, gecə yolçusu nədir?

ٱلنَّجْمُ ٱلثَّاقِبُ ۝۳

Bu, qaranlıqları dəlib keçən ulduzdur.

إِن كُلُّ نَفْسٍۢ لَّمَّا عَلَيْهَا حَافِظٌۭ ۝٤

Elə bir kimsə yoxdur ki, onun üzərində gözətçi olmasın!

فَلْيَنظُرِ ٱلْإِنسَٰنُ مِمَّ خُلِقَ ۝٥

Qoy insan nədən yaradıldığına bir baxsın!

خُلِقَ مِن مَّآءٍۢ دَافِقٍۢ ۝٦

O, süzülüb tökülən bir mayedən yaradılmışdır.

يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ ۝۷

Bu maye bel və köks sümükləri arasından çıxır.

إِنَّهُۥ عَلَىٰ رَجْعِهِۦ لَقَادِرٌۭ ۝۸

Şübhəsiz ki, Allah onu dirildib qaytarmağa qadirdir.

يَوْمَ تُبْلَى ٱلسَّرَآئِرُ ۝۹

Sirlərin sınaqdan keçiriləcəyi gün,

فَمَا لَهُۥ مِن قُوَّةٍۢ وَلَا نَاصِرٍۢ ۝١۰

onun nə bir qüvvəsi, nə də bir köməkçisi olar.

وَٱلسَّمَآءِ ذَاتِ ٱلرَّجْعِ ۝١١

And olsun yağmurla qayıdan göyə!

وَٱلْأَرْضِ ذَاتِ ٱلصَّدْعِ ۝١٢

And olsun növbənöv bitkilərlə yarılan yerə!

إِنَّهُۥ لَقَوْلٌۭ فَصْلٌۭ ۝١۳

Həqiqətən, bu, haqqı batildən ayırd edən bir kəlamdır.

وَمَا هُوَ بِٱلْهَزْلِ ۝١٤

O, əyləncə də deyildir.

إِنَّهُمْ يَكِيدُونَ كَيْدًۭا ۝١٥

Həqiqətən, kafirlər hiylə qururlar.

وَأَكِيدُ كَيْدًۭا ۝١٦

Mən də hiylə qururam.

فَمَهِّلِ ٱلْكَٰفِرِينَ أَمْهِلْهُمْ رُوَيْدًۢا ۝١۷

Kafirlərə hələ möhlət ver! Onlara bir az da möhlət ver.